呼～仙都唔仙的信仰

第 2198 期（2006 年 10 月 8 日）
◎　交流點　◎　陳鋈榮

分享： Whatsapp 電郵 臉書
 

　　看了舞台劇《仙都唔仙》，有點扎心，有點反省，特別是一些「宗教位」—

　　女侍應：（跑到上氣不接下氣）大廚，外邊班人話D牛扒要七成熟，唔係十成，D薯條凍晒，想你翻熱，米線要改米粉，跟住話左炒飯要走青......

　　大廚：（同時在應付十多張單）又要全部倒X晒佢再煮X過！邊X班人咁X煩呀！

　　女侍應：（無奈）件衫寫住「耶穌愛你」果班囉......

　　當然，作為消費者，我們「有權」享受我們「俾左錢」應享的服務，但有時當大家汗如雨下地完成神聖的福音事奉後，坐在茶餐廳安撫自己肚子時，的確有點忘了形—「嘩，冷氣虧架？熱死人咩！凍D啦唔該！」「凍奶茶都唔凍？點飲呀？換左佢喇！」「搞錯呀！咁少餐牌？D野咁慢點得呀？好肚餓呀唔該！」

　　又如這麼一幕：

　　超市員工A：你睇下我地D貨排得幾靚，我地一齊將榮耀歸俾上主咯！

　　超市員工B：唉......我仲未搵到屋呀。

　　超市員工A：咁呀......我為你祈禱呀！

　　超市員工B：但係我連交租嘅錢都無......

　　超市員工A：無問題架！神會為你預備一切架！！

　　不錯我們要相信禱告的力量，也要有一顆「單純」的信心，但如此輕飄飄的「為你祈禱」又是怎樣的信仰？好吧，就算禱告真的應驗，真的有屋住又有錢交租，結果對方相信這個神真的「好靈喎」，但如此的信心，又何異於信黃大仙？

　　扎心的是，雖一切都是「做戲」，但也看到非信徒眼中的基督徒原來是這樣的。對我們的「信仰生活」棒喝的，是一群被我們視為離經叛道的話劇演員，我們自己硬銷福音的劇場，卻鮮能呈現信徒實況給信徒看清本相從而作出深刻反省。